मायबोली

सळसळूनी शब्दगाणी बोलताती झाड वेली.

अमृताहून जीवनाच्या गोड माझी मायबोली

नादब्रम्ह साचलेली जेथ आहे गहन खोली

अर्थगर्भ जीवनाचा सांगते ही मायबोली.

माय माझी बोलली जी, तिच मी ही शिकलेली

बोबडा मी बोलताना मित झाली मायबोली.

बाळबोध जिवणीशी एकदा मी बांधलेली.

तिच आज बोलतो मी काळजाची मायबोली.

परभाषी पावसाची झड आली झड गेली

तोलली मी वादळात एक माझी मायबोली.

चोखळोनी पैस सारा ज्ञानदेवे रचियेली

माऊलीची साऊली ही शब्दरुप मायबोली.