शब्दांच्या मी वादळातला एक नारा.

अमृताच्या पैजा मी गा जिंकणारा.

शब्दांच्या मी वादळातला एक नारा.

माणसात मी माणसाला शोधणारा

गर्दीच्या मी ढगा आडचा एक तारा.

अनाठायीच मांडला मी हा पसारा

जीवन आहे स्वप्नांचाच खेळ सारा.

विनासुखाचा कशास ये जन्मफ़ेरा

दु:ख घालते घडीघडीस येरझारा.

कश्या सावरू उरातल्या या त्सूनामीं ?

डोळ्यांमधल्या सागरास कुठे किणारा.

काय फ़ायदा पेटवूनी या मशाली?

डोळसांच्या अंधाधुंदी कारभारा

दुनियेमध्ये भिड माजली असत्याची

सत्याचाच रोज होतो कोंडमारा.