ना माणसात माणूस, ना घरात घरपण उरले |
का अश्मयुगाचे पुन्हा, हे आदिम वारे फिरले? |
बगल देऊनी जाती, ते सगे सोयरे सारे |
नात्यांचे तरी धागे, मी उगाच ताणून धरले |
अंक नाटकासारखे, हे जगणे तुझे नि माझे |
ऐलापासून पैला, जग सोंगाड्यांनी भरले |
ना आभाळ माझे हे, ना तुझे चांदणे तेही. |
आलो होतो मोकळे, अन तसेच जाणे ठरले. |
ते गीत सुधाकरीचे का कुणास नाही कळले? |
गाणार्याचे गीतही, का असेच जगणे सरले? |
No comments:
Post a Comment