तुझ्या पैंजणात माझी गझल वाजते

चालताना पाठी तुझ्या रुणूझुणू नाद ते,
काय सांगू तुला सखी नवल आज ते,
तुझ्या पैंजणात माझी गझल वाजते.

गडणीला साजणी तू काय लाजते?
खोल जरा मनातले तुझ्या राज ते,
तुझ्या पैंजणात माझी गझल वाजते.

चंद्रमौळी म्हणेल तो स्वर्गलोक तुला,
इंद्राणीची चाल तुला गजब साधते.
तुझ्या पैंजणात माझी गझल वाजते.

काय सांगू अदा तिची घायाळल्या वाटा,
शृंगाराचे साज तिचे नखरेबाज ते,
तुझ्या पैंजणात माझी गझल वाजते.